Balqashtyq sportshylar shyrshany óz medaldarymen bezendirdi
QARAǴANDY. QazAqparat - Balqash sportshylary áriptesteriniń Atyraýda bastalǵan jańajyldyq estafetasyn qabyl aldy. Jarystardyń jeńimpazdary men júldegerleri shyrshany óz medaldarymen bezendirdi, dep habarlaıdy Qaraǵandy oblysy ákimdiginiń resmı saıty .
Atyraýlyqtardyń chellenjin Balqashtyń DShSK-niń sportshylary qoldady. Shyrshada oıynshyqtardyń ornyna túrli jetistikter boıynsha medaldar ilingen. Shyrsha túbine Kýbok qoıylǵan. «Chempıon shyrshasyn» bezendirýge 20-ǵa jýyq medal jumsalǵan.
Bıylǵy jyly balqashtyqtar boks, kúres, voleıbol, kıkboks jáne doıby sııaqty sport túrleri boıynsha medaldardy jeńip aldy. Paeýrlıftıngshi Alekseı Fedıaev Argentınada álem chempıony atandy. Jazda Balqashta «Araı» jastar spartakıadasy ótken edi, alań ıeleri onda úshinshi oryndy ıelendi.
Qaraǵandylyq boksshy, olımpıada chempıony, QR Parlamenti Májilisiniń depýtaty Serik Sápıev te jańajyldyq estafetanyń qatysýshysy atandy. Ol barsha qazaqstandyq sportshylarǵa arnap beınequttyqtaý joldady.
