Balqashtyń aınalma jolynda servıstik nysandar salý úshin jer ýchaskesi qashan beriledi – óńir ákiminiń jaýaby

Balqash qalasynyń aınalma joly boıynda salynatyn servıstik obektiler úshin jer ýchaskeleri aýktsıon arqyly satylady. Bul týraly Qaraǵandy oblysynyń ákimi Ermaǵanbet Bólekpaev aıtty, dep habarlaıdy Kazinform.

Búgin Úkimet otyrysynda Premer-Mınıstr Álıhan Smaıylov Qaraǵandy oblysynyń ákiminen: «Balqash qalasynyń aınalma jolyna servıstik obektilerdi salý úshin jer ýchaskelerin bólý rásimderi sozylyp ketti. Bul másele qalaı sheshiledi?», - dep suraǵan edi.

Ermaǵanbet Bólekpaevtyń aıtýynsha, servıstik obektileri úshin 12,8 gektar jer ýchaskesi bólingen.

«Osy jyldyń jeltoqsanynda atalǵan aýdannyń egjeı-tegjeıli josparlaý jobasy aıaqtalady. 2024 jyldyń 1-toqsanynda jer ýchaskeleri aýktsıon arqyly satylady», - dedi óńir basshysy.