Balqashtan zańsyz balyq aýlaý faktisi boıynsha 14 qylmystyq is qozǵaldy

NUR-SULTAN. QazAqparat – Balqash kólinen zańsyz balyq aýlaý faktisi boıynsha 14 qylmystyq is qozǵaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Balyq resýrstaryn zańsyz aýlaýdyń jolyn kesý úshin Іshki ister mınıstrligi «Balqash» kólinde «Brakoner» operatsııasyn júrgizýde. Oǵan ІІM Ortalyq apparatynyń qyzmetkerleri, Qaraǵandy men Almaty oblystarynyń polıtsııasy, tabıǵatty qorǵaý uıymdarynyń mamandary jumyldyrylǵan», - dedi ol.

Resmı ókildiń atap ótýinshe, 17 mamyrdan beri 200 quqyq buzýshy ustalyp, shamamen 300 shaqyrym tyıym salynǵan balyq aýy, shamamen 1 myń balyq aýlaıtyn ilmek, 32 motorly qaıyq jáne 8 tonnadan astam balyq jáne balyq ónimderi tárkilengen.

«173 ákimshilik hattama toltyrylyp, 14 qylmystyq is qozǵaldy», - dedi Nurdildá Oraz.