Balqashtaǵy janyp jatqan kollektordan er adamnyń denesi tabyldy
BALQASh. QazAqparat – Balqash qalasynyń órt sóndirýshileri jalynmen kúresý barysynda jylý kollektorynan er adamnyń máıitin tapty. Qazirgi tańda mamandar ólimniń sebebin anyqtap jatyr, dep habarlaıdy QazAqparat tilshisi.
Tańerteń Balqash qalasynyń Aǵybaı batyr kóshesindegi №17 úıdiń turǵyndary jaqyn mańdaǵy jylý trassasynan tútin shyǵyp jatqanyn baıqap, órt sóndirýshilerdi shaqyrǵan. Oqıǵa ornyna kelgen órt sóndirýshiler kollektordan er adamnyń denesin tapty.
«1 naýryz kúni saǵat 07:35-te Balqash qalasynyń Aǵybaı batyr kóshesi, №17 úıdiń janynda jylý trassasynyń kollektorynda 8 sh. m. alańda qoqys janyp ketti, órt 07:52-de joıyldy. Oqıǵa ornynda er adamnyń janyp ketken denesi tabyldy. Ólimniń mán-jaıy anyqtalýda. SME taǵaıyndaldy», - dep habarlady Qaraǵandy oblysy TJD baspasóz qyzmeti.
