Balqashtaǵy túrmeden qashpaq bolǵandarǵa kómektesken qylmystyq top músheleri qolǵa tústi
TANA. 31 tamyz. QazAqparat /Qanat Mámetqazyuly/ - Uıymdasqan qylmysqa qarsy kúres jelisi boıynshaAstana qalasynyń polıtsııa qyzmetkerleri ulttyq qaýipsizdik organdarmen birlese otyryp,
uıymdasqan qylmystyq toptyń 3 belsendi múshesin ustady. Burynnan izdeýde júrgen qylmyskerlerge osydan biraz buryn Balqash qalasyndaǵy túrmeden qashpaq bolǵandarǵa tıym salyǵan zattar jetkizip bergen degen kúdik keltirildi. Bul týraly búgin QR ІІM ótken brıfıngte vedomstvonyń baspasóz hatshysy Nurdildá Oraz málim etti.
«Qolǵa túskender asa aýyr qylmys jasaǵany úshin izdeýde júrgen Qaraǵandy oblysynyń 24-29 jas aralyǵyndaǵy turǵyndary bolyp shyqty. Olardyń Astana aýmaǵyna kelgeni týraly aqparat túskennen keıin jedel qyzmetkerlermen birden qylmystyq topty ustaý sharalary oryndaldy», - deıdi baspasóz hatshysy. Onyń aıtýynsha, kúdiktilerde ózderimen birge tapansha bolǵan jáne olardyń buǵan deıin atys qarýyn satqany, satyp alǵandary anyqtaldy.
«Osy jaǵdaılar turǵyndardyń qaýipsizdigin qamtamasyz etý maqsatynda erekshe saqtaný sharalaryn qoldanýdy qajet etti.
Arlan arnaıy maqsatttaǵy jasaǵynyń qatysýymen qylmystyq toptyń barlyq múshelerin ustaý operatsııasy sátti júrgizildi.
Ustaý kezinde olardan Makarov tapanshasy, nómiri óshirilgen Nagan revolveri, jáne osy qarýlardyń júzdegen oqtary alyndy», - deıdi N. Oraz. Onyń sózine qaraǵanda, qylmystyq toptyń Astana qalasy aýmaǵynda qylmys jasap úlgergeni de anyqtalǵan. Naqtylap aıtqanda, olar 25 tamyzda qala turǵynynyń jeke múlkin ıemdený maqsatynda tonaǵan.
«Sondaı-aq top múshelerine «Balqash qalasyndaǵy túzetý mekemesindegi qamaýdaǵylardyń qashyp ketýine qajetti tyıym salynǵan zattardy jetkizip bergen» degen kúdik keltirildi. Olar ýaqytsha ustaý ızolıatoryna qamaldy. Tergeý júrgizilýde», - deıdi baspasóz hatshysy.
