Balqashtaǵy toı ústindegi atystyń mán-jaıyn anyqtaý ІІM basshylyǵynyń qatań baqylaýyna alyndy

Bul týraly búgin aptalyq brıfıngte QR Іshki ister mınıstrliginiń resmı ókili Nurdildá Oraz málim etti.

Resmı ókildiń atap ótýinshe, atalǵan qylmystyq iske baılanysty QR Qylmystyq kodeksiniń 96 jáne 103 baptary boıynsha qylmystyq is qozǵalǵan. «Kúdiktilerdi izdeý jáne naqtylaýǵa baǵyttalǵan keshendi jedel izdestirý sharalary júrgizilýde.  Qylmystyq isti tergeý barysy qazirgi ýaqytta Іshki ister mınıstrliginiń qatań baqylaýynda», -dedi ol.

Esterińizge sala keteıik, 9 shilde kúni shamamen 04:00-de Balqash qalalyq ІІB-niń kezekshi bólimine Jeltoqsan kóshesinde ornalasqan dámhanadaǵy atys týraly habarlama kelip túsken. Belgisiz bireýler dámhananyń metall qorshaýynyń ar jaǵynda turyp, jazǵy alańda otyrǵan dámhana qonaqtaryna qaraı birneshe ret oq atqan. Oqıǵa saldarynan jeti adam oq jaraqattaryn aldy. Jábirlenýshiler - Balqashtyń 17-21 jas aralyǵyndaǵy turǵyndary. Olardyń úsheýi - JOO-nyń stýdentteri, ekeýi - jumyssyz,  bireýi - kúzetshi. Jábirlenýshilerdiń biri - Balqash qalalyq ІІB ýchaskelik ınspektordyń kómekshisi alǵan jaraqattarynan aýrýhanaǵa barar jolda kóz jumdy.