Balqashtaǵy ortalyq saıabaq jańartylýda
BALQASh. QazAqparat - Balqash qalasynyń ortalyq saıabaǵynda qaıta jóndeý jumystary júrgizilýde. Jumystyń basym bóligi oryndaldy. Sý qubyry jelileri men kóshege jaryqtandyrý júıesin qosýǵa barlyǵy derlik daıyn, dep habarlaıdy QazAqparat tilshisi.
Merdigerler arkanyń metall qańqasyn ornatty, ol saıabaqtyń ortalyq kire berisin bezendiretin bolady. Eski sýburqaq ta qalpyna keltirile bastady.
Balqash balalar saıabaǵyna kire beriste kelýshilerdi ertegi keıipkeri Aıdahar qarsy alady. Kún sáýlesi men jaýyn-shashynnyń áserinen meıirimdi aıdahardyń burynǵy jasyl túsiniń óńi ketip te qalaǵan edi.
Balqash qalasynyń ákimi Oraz Táýirbekov qazirgi zaman talabyna saı jańa aıdahar ornatýdy tapsyrdy.
Qazir 40 adamnan turatyn brıgadanyń jumysshylary saıabaqtyń jaıaý júrginshiler joldaryna tas tóseýdi aıaqtaýda. Onda jaqyn arada jańa oryndyqtar men qoqys salatyn jáshikter paıda bolady.
«Búgingi kúni biz jıek tastyń 80 paıyzyn saldyq, jaryqtandyrý kabelderin ótkizdik, kárizdi, sýburqaqty sýmen jabdyqtaýdy, aýyz sý aǵatyn sý burqaqtaryn tolyq ornattyq. Qazir barlyq saıabaqty qamtý úshin sýǵarý júıesine qubyr tóselip jatyr, - dedi merdiger uıymnyń ókili Jáken Taıshybaı.
Qurylys jumystary aıaqtalyp, sýarý júıesin qalpyna keltirgennen keıin kúzde saıabaqta aǵashtar otyrǵyzylady.
Demalys ornynyń barlyq aýmaǵy tottanýǵa qarsy boıalǵan jańa qorshaýmen qorshalǵan.
Jóndeý jumystaryn tamyz aıynyń sońyna deıin aıaqtaý josparlanýda.
