Balqashtaǵy kolonııadan qashyp ketpekshi bolǵan 16 sottalýshynyń jeke tulǵalary anyqtaldy - QR ІІM
TANA. 12 qazan. QazAqparat /Jasulan Amanbaıuly / - Balqashtaǵy kolonııadan qashyp ketpekshi bolǵan 16 sottalýshynyń jeke tulǵalary anyqtaldy.
Bul týraly búgin QR Іshki ister mınıstrliginiń resmı ókili Nurdildá Oraz málim etti.
Eske sala keteıik, shilde aıynda birqatar sottalýshy sýyq jáne atys qarýlaryn paıdalana otyryp, Balqashtaǵy kolonııadan qashý áreketin jasaǵan bolatyn. Ol kezde 16 sottalýshy mekeme úı-jaılarynyń birinde oqshaýlanyp, ózderin jaryp jibergen.
N. Orazdyń aıtýynsha, oqıǵa bolǵan jerdi bastapqy jáne qosymsha tekserý kezinde tabylǵan máıitterdi ıdentıfıkatsııalaý maqsatynda ártúrli saraptamalar taǵaıyndalǵan.
«Aǵymdaǵy jyldyń tamyz aıynda ótkizilgen gendik-molekýlıarlyq saraptamanyń qorytyndysy boıynsha - 12 sottalýshy ıdentıfıkatsııalandy. Al, ótken aptada gendik-molekýlıarlyq saraptama taǵy 4 sottalǵan adamnyń kim ekendikterin anyqtady», - dedi resmı ókil.
