Balqashtaǵy kolonııadan qashý oqıǵasy aldyn-ala josparlanǵan áreket - Qylmystyq- atqarý júıesi komıtetiniń basshysy
ASTANA. 12 shilde. QazAqparat /Damır Baımanov/ - Balqashtaǵy kolonııada oryn alǵan, biraq júzege aspaı qalǵan qashý oqıǵasy aldyn-ala josparlanǵan áreket, dep sanaıdy Qylmystyq- atqarý júıesi komıtetiniń basshysy Sultan Qusetov.
«Olardy qashýǵa daıyndaǵan sybaılastary ábden bolýy múmkin. Qashý áreketiniń josparlanǵany aıdan anyq»,- dedi S.Qusetov búgin brıfıngte. Qashýdy uıymdastyrýshylardyń kim ekendigi qazir anyqtalyp jatqanyn aıtqan komıtet basshysy, olarǵa qarý-jaraqty syrttan, kolonııanyń qorshaý dýaly arqyly tastaýy múmkin ekenin aıtty. «Tekserý kezinde baqylaý-iz kesý jolaǵynda laqtyrylǵan qarý-jaraqtyń izderi tabyldy. Sol jerden skotch, lenta, kıim-keshek sııaqty taǵy biraz zattar tabyldy»,- dep habarlady S.Qusetov.
Komıtet basshysy sondaı-aq, kolonııadan qashý áreketine dinı ekstremısterdiń qatysy bolý-bolmaýy yqtımaldyǵyna qatysty óz pikirin bildirdi.
«Bul oqıǵaǵa ekstremısterdiń qatysy bolǵanyn negizdeıtin ázirge eshqandaı aıǵaq joq. Uzaq merzimge sottalǵan qylmyskerlerdiń túrmeden qashqysy keletini qalypty jaıt», - dep túsindirdi S.Qusetov.
Degenmen, ózderin jaryp jiberý kezinde qaza bolǵan tutqyndardyń biri «dástúrli emes dinı aǵymdy jaqtaýshy» retinde esepte turǵanyn qýattady.
Komıtettiń aqparaty boıynsha, elimizdiń kolonııalarynda osyndaı aǵymdardy jaqtaýshy 100-ge jýyq adam jazalaryn ótep jatqan kórinedi.
