Balqashtaǵy 18 jasar qyzdyń ólimine kúdikti ustaldy
QARAǴANDY. QazAqparat - Balqashta 18 jastaǵy qyzdyń ólimi áshkerelendi, dep habarlaıdy «QazAqparat» HAA tilshisi. Qyzdyń tulǵalyq beınesi anyqtalmaǵanymen, polıtsııa qyzmetkerleri onyń týystaryn tez tapty.
«Qylmysty ashý úshin krımınaldy polıtsııa qyzmetkerleriniń qyzdyń tanylmaǵan beınesin anyqtaýy kerek boldy», - deıdi Qaraǵandy oblysy ishki ister departamenti baspasóz qyzmetiniń basshysy Baqytjan Qudııarov.
«Baqylaý kameralaryndaǵy jazbalardy tekserý barysynda qyzdyń jigitpen garaj jaqqa ótip bara jatqany anyqtaldy. 18 jastaǵy qyzdyń tulǵasy bir táýlik ishinde tanyldy. Polıtsııa qyzmetkerleriniń jedel-izdestirý sharalary barysynda 21 jasar qala turǵyny ustaldy. Ol óz kinásin tolyqtaı moıyndap otyr», - deıdi Baqytjan Qudııarov.
Jigittiń 18 jastaǵy qyzdy óltirýiniń sebebi anyqtaý jumystary júrgizilip jatyr. Ázirge ol ýaqytsha ustaý oqshaýlaǵyshyna qamaldy.
