Balqashtaǵy aralda úsh tonnaǵa jýyq gollandııalyq kannabıs tabyldy

QONAEV. KAZINFORM – Almaty oblysynyń polıtseıleri «Qarasora-2024» jedel-profılaktıkalyq is-shara aıasynda Balqash óńirinde qarasora alańyn tapty. Esirtki plantatsııasy áýe barlaýy kezinde anyqtalǵan.

– Esirtki plantatsııasy Balqash kóliniń araldarynyń birinde anyqtaldy. Saraptama tárkilengen 6 122 ósimdik butasy jalpy salmaǵy 2 tonna 740 keli bolatyn gollandııalyq kannabıs ekenin rastady, – dedi Almaty oblysy polıtsııa departamentiniń bastyǵy Baýyrjan Álenov.

Sondaı-aq polıtsııa bastyǵy aral aýmaǵynda ornalasqan shatyrda patrondary bar tegis uńǵyly qarý, eki qap tyńaıtqysh jáne qarasorany sýaryp, óńdeý týraly jazbalary bar dápter tabylǵanyn atap ótti.

– Quramynda esirtki zattary bar ósirýge tyıym salynǵan ósimdikterdi zańsyz ósirý faktisi boıynsha qylmystyq is qozǵaldy. Kúdiktilerdi ustaýǵa baǵyttalǵan jedel-izdestirý jumystary júrgizilip jatyr, – dedi Baýyrjan Álenov.

Eske salaıyq, buǵan deıin Eńbekshiqazaq aýdanynda 5 gektar qarasora alqaby tabylǵan bolatyn.