Balqashta jolda buzylǵan avtobýstan 51 adam evakýatsııalandy
BALQASh. QazAqparat – Balqash qalasynyń qutqarýshylary vahtalyq avtobýstyń synýy saldarynan dalada qalyp qoıǵan 50-den astam adamdy qutqardy. Jumyskerler túndeletp qalaǵa jetkizildi, dep habarlaıdy QazAqparat tilshisi.
17 qarasha saǵat 3:11-de Balqash qalasynan 4 shaqyrym jerde «Saıaq kenti – Balqash qalasy» avtojolynda tehnıkalyq aqaýy bar vahta avtobýsynan 51 adam evakýatsııalanyp, Balqash qalasyna jetkizildi.
Jolaýshylardyń eshqaısysy zardap shekken joq jáne medıtsınalyq kómekti qajet etpedi.
Qaraǵandy oblysynyń tótenshe jaǵdaılar departamenti aýa raıynyń buzylýyna baılanysty ýaqytsha alys jolǵa shyqpaı, jolǵa shyǵar aldynda kóliktiń tehnıkalyq jaǵdaıyn tekserý, aýa raıy, daýyldy esketý týraly aqparatty qaraý kerektigin eskertedi.
