Balqashta jol apatynan polıtsııa qyzmetkeri qaza tapty
QARAǴANDY. QazAqparat – «Ekaterınbýrg-Qaraǵandy» avtojolynyń Balqash qalasy mańyndaǵy ýchaskesinde júk kóligi men patrýldik polıtsııa avtomobıli soqtyǵysty.
Jol apaty saldarynan 33 jastaǵy ınspektor qaıtys boldy, dep habarlaıdy QazAqparat tilshisi.
15 sáýir tańǵy 06.40-ta «Ekaterınbýrg-Almaty» tas jolynda Balqash qalasynan Qaraǵandy qalasy kele jatqan joldyń 45 shaqyrymynda, 41 jastaǵy azamattyń basqarýyndaǵy «Volvo» júk kóligi men 33 jastaǵy oblystyq patrýldik polıtsııa batalony ınspektorynyń basqarýyndaǵy «Kia Rio» avtokólikteri soqtyǵysty.
Jol – kólik oqıǵasynyń saldarynan alǵan dene jaraqattarynan arnaıy kóliktiń jolaýshysy, qyzmet babynda júrgen oblystyq patrýldik polıtsııa batalonynyń ınspektory, 46 jastaǵy Haıdar Orazbaev kóz jumsa, arnaıy kóliktiń júrgizýshisi aýrýhanaǵa jetkizildi.
«Qaraǵandy oblysy ishki ister organynyń basshylyǵymen jeke quramy qaıtys bolǵan áriptesimizdiń týǵan-týystarymen jaqyndarynyń qaıǵysyna ortaqtasyp, kóńil aıtady. Polıtsııa aǵa leıtenanty Haıdar Orazbaev Іshki ister organynda 1995 jyldyń qyrkúıek aıynan bastap qyzmet atqardy. Úılengen. Tórt bala tárbıelegen», - dep habarlady Qaraǵandy oblysynyń PD baspasóz-qyzmeti.
Atalǵan fakti boıynsha Qazaqstan Respýblıkasy Qylmystyq Kodeksiniń 345 baby 3 tarmaǵyna sáıkes qylmystyq is qozǵaldy. Tıisti saraptamalar taǵaıyndalyp, tergeý amaldary júrgizilýde.
