Balqashta jigit órtengen páterden eki balany qutqardy
QARAǴANDY. QazAqparat - «Balqash-1» stansasyndaǵy kópqabatty úılerdiń birinde shyqqan órt kezinde bir er adam janyp jatqan páterden eki balany alyp shyqty, dep habarlaıdy QazAqparat tilshisi.
Búgin saǵat 13:50-ler shamasynda «Balqash-1» stansasynda órt shyqqany týraly habarlama kelip tústi. Úsh qabatty turǵyn úıdiń ekinshi qabatyndaǵy páterdiń birinen tútin shyqqanyn baıqaǵan turǵyndar órt sóndirýshilerge qońyraý shalǵan.
Bul páterde kishkentaı bala bar ekenin jáne eresekter jumysta ekenin bilgen Arsen esimdi kórshi jigit órt sóndirýshilerdi kútpesten, kireberis mańdaıshasy arqyly terezege shyǵyp, otqa oranǵan páterge kirgen. Jigit ishke kirgende eki bólmeli páterdiń jıhazdary, turmystyq zattary men esikterdiń jaqtaýlary janyp jatqan. Er adam eki balany terezeden syrtqa alyp shyqqan.
Oqıǵa ornyna kelgen órt sóndirýshiler tilsiz jaýdy 15.04 shamasynda sóndirdi. Páterdiń 10 sharshy metrin jalyn sharpyǵan. Órt sóndirýge 14 qyzmetker men 3 arnaıy tehnıka jumyldyryldy.
Bastapqy boljam boıynsha ottyń shyǵýyna balalardyń tentektigi sebep bolý múmkin.
