Balqashta jańa AIR-112 tikushaǵy kezekshilikke kiristi
ASTANA. KAZINFORM — Tótenshe jaǵdaılar mınıstri general-leıtenant Shyńǵys Árinov Balqash qalasynda jańa AIR-112 avıatsııalyq-qutqarý jasaǵynyń jumysyna resmı túrde start berdi.
TJM baspasóz qyzmetiniń málimetinshe, táýlik boıy kezekshilikke adamdardy izdestirý jáne qutqarý, sanıtarııalyq avıatsııa, áýe monıtorıngi jáne tótenshe jaǵdaılarǵa den qoıý mindetterin oryndaıtyn tikushaq kiristi.
Avıatsııalyq-qutqarý jasaqtaryn qurý jáne mamandardy áleýmettik qoldaý baǵdarlamasyn iske asyrý aıasynda AIR-112 avıatsııalyq-qutqarý jasaǵynyń komandıri Abaı Qorjynbaıǵa qyzmettik páterdiń kilti tabystaldy.
Jańa bólimsheniń jumysymen Qaraǵandy oblysynyń ákimi Ermaǵanbet Bólekpaev tanysty. Tikushaqty ornalastyrý úshin ekıpaj ben áýe kemesiniń táýlik boıy jaýyngerlik ázirligin qamtamasyz etetin jańartylǵan avıatsııalyq baza daıyndaldy.
— Balqashta avıatsııalyq jasaqtyń qurylýy TJM-niń AIR-112 avıatsııalyq qyzmetin damytý jáne el aýmaǵynda avıatsııalyq-qutqarý bólimsheleriniń jelisin keńeıtý jónindegi jumysynyń bir bóligi boldy, — delingen habarlamada.
Budan buryn ShQO ormanyndaǵy órt oshaǵyna tikushaqpen 39 tonna sý tógilgenin jazdyq.
