Balqashta zańsyz qoqys úıindisi tazartýmen aınalysatyn merdiger belgilendi
BALQASh. QazAqparat – Balqashta qalany ruqsatsyz qoqys úıindilerin tazartatyn merdiger anyqtaldy. Ol jumysty qoqys polıgonyn basqaratyn «DD-Jol» JShS kompanııasy atqaratyn boldy, dep habarlaıdy QazAqparat tilshisi.
Qoqys shyǵarǵany úshin tólem jasaǵysy kelmegen keıbir balqashtyqtar ony dalaǵa laqtyryp tastaǵan. Jınalǵan úıindiden kóbinese órt shyǵady. Balqash qalasynyń bıligi bul máseleni sheshý úshin sharalar qabyldady. Sáýir-maýsym aılarynda eriktiler men memlekettik qyzmetkerler senbilik uıymdastyrdy. Osy ýaqyt ishinde 1 myń tonnadan astam qoqys shyǵaryldy, onyń ishinde 58 ruqsat etilmegen qoqys oryny joıyldy.
«Endi DD-Jol kompanııasy ruqsat etilmegen qoqystardy joıýmen aınalysady. Aldymen merdiger qala ishinde jınalǵan qaldyqtardy shyǵarady. Jeleznodorojnaıa jáne Stepnaıa kóshelerin, sondaı-aq Sábıtov atyndaǵy jáne Qońyrat shaǵyn aýdandardy qamtıdy», - dep málimdedi Balqash qalasy ákimdiginen.
Ekinshi kezeńde QTQ polıgonynyń syrtyndaǵy ruqsat etilmegen úıindilerdi joıý josparlanýda. Aldyn ala esep boıynsha onda 13 myń tonnadan astam qoqys jınalyp qalǵan.
