Balqashta zamanaýı emhana ǵımaraty salyndy
Medıtsınalyq mekeme MJÁ boıynsha salynǵan jáne 19 myńnan astam eresekter men balalarǵa qyzmet kórsetetin bolady. Ol sondaı-aq áreń júretin patsıentter úshin barlyq jaǵdaılar jasalǵan.
«Bizdiń emhana 1978 jyly salynǵan ǵımaratta bolǵan jáne oǵan eshqashan kúrdeli jóndeý jasalmaǵan edi. Biz óz jumysymyzdy otbasylyq-dárigerlik ambýlatorııa retinde bastadyq, 2000 jyly emhanaǵa aınaldyrdyq»,-deıdi № 2 emhananyń dırektory Aınagúl Kúlembaeva.
Endi patsıentter medıtsınalyq-sanıtarııalyq alǵashqy kómek qyzmetteriniń barlyq tizbesin, arnaıy mamandardyń konsýltatsııasyn ala alady, analızder tapsyra alady, kúndizgi statsıonarda emdele alady, ońaltý kómegi men fızıoterapııa ala alady.
Sondaı-aq, emhananyń janyndaǵy jedel járdem, áleýmettik dárihananyń, patsıentterdi qoldaý qyzmetiniń jumysy jolǵa qoıylǵan.
Emhananyń jańa ǵımaratynda dıagnostıkalyq qyzmetter de kózdelgen. Ýltradybystyq zertteýlerdiń tolyq spektri, endoskopııalyq zertteýler - ezofagogastrodýodenoskopııa, kolposkopııa bar. Jeke úı-jaıda rentgen apparaty ornatylǵan, sondaı-aq patsıentter tredmıl-test pen veloergometrdi qoldana otyryp júkteme synamalaryn tapsyra alady, elektrokardıografııadan, EKG holter monıtorınginen, qan qysymynyń táýliktik monıtorınginen, aýdıometrııadan óte alady.
Sonymen qatar, ǵımaratta múmkindigi shekteýli patsıentterge: pandýstar, múgedekter arbasyna arnalǵan arnaıy kótergish, lıft, qozǵalysty jeńildetetin qurylǵylar, taktıldi joldar jáne Braıl shrıftin qoldanatyn aqparattyq taqtaıshalar sekildi medıtsınalyq qyzmet kórsetý úshin barlyq jaǵdaılar jasalǵan.
