Balqashta úılerge baratyn joldardy bógegen beton bloktardy alyp tastady
QARAǴANDY. QazAqparat - Balqashta TJ jónindegi basqarma, SÓB-45, JPQ, jedel medıtsınalyq járdem jáne jergilikti ákimdik qyzmetkerleriniń qatysýymen reıd uıymdastyryldy, dep habarlaıdy Qaraǵandy oblysy ákiminiń resmı saıty.
Komıssııa jeke turǵyn úılerdiń aýlalaryna baratyn joldardy tekserdi.Qalanyń keıbir aýdandarynda jergilikti turǵyndar kópqabatty turǵyn úılerge aparar joldardy beton bloktarmen bógep tastaǵany anyqtaldy. Adamdar aýlalarda kólikterdiń júrgenin qalamaıdy. Alaıda bul bógetter arnaıy órt sóndirý jáne jedel medıtsınalyq kómek kólikterine de kedergi keltiretinin umyt qaldyrǵan.
Órt bolǵan nemese bireýge medıtsınalyq kómek qajet bolǵan jaǵdaılarda, órt sóndirýshiler de, medıtsına qyzmetkerleri de onsyz da qymbat mınýttardy kireberiske jaqyn jol izdeýge jumsaýǵa májbúr, al ol óz kezeginde adam ómirin saqtap qalýda óte mańyzdy sátter.
Ereje buzýshylyqtardy joıý úshin reıd uıymdastyrýshylar apattyq-qutqarý kólikterin paıdalanyp, beton bloktardy alyp tastap, joldardy ashqan.
