Balqashta týrızmdi damytýǵa halyqaralyq mamandar kómektespek

QARAǴANDY. QazAqparat - Qaraǵandy oblysynda aldaǵy bes jylda Balqashtaǵy týrıster aǵymyn eki esege arttyrý maqsaty qoıylyp otyr. Bul týraly QazAqparat ákimdiktiń saıtyna silteme jasap habarlaıdy.

Balqashta týrızmdi damytý úshin ne isteý kerektigin jáne qajetti usynystardy halyqaralyq mamandar aıtatyn bolady.

 «Joldaýda erekshe nazar ekonomıkanyń eń qarqyndy ósip kele jatqan sektory - týrıstik salany damytýǵa aýdarylyp otyr. Prezıdent týrızmdi damytý boıynsha sharalar qoldanýdy tapsyrdy, jánede birinshi kezekte elimizdiń top-10 týrıstik nysandary tizimine engen Balqash mańyndaǵy aımaqty jetildirý tapsyrdy. Biz Balqash boıynsha sheber-jospar qurýdy aıaqtaǵaly jatqan McKinsey & Company halyqaralyq konsaltıngtik kompanııasyn jumyldyrdyq», - dep atap ótti óńir basshysy Erlan Qoshanov Elbasynyń Joldaýynda qoıǵan mindetterin talqylaý boıynsha aımaq aktıviniń otyrysy barysynda. 

2023-shi jylǵa qaraı elimizdiń JІÓ-degi týrızm úlesin 8%-ǵa deıin ulǵaıtý qajet. 

«Bizdiń maqsatymyz - 2023-shi jylǵa deıin tek Balqashtyń ózinde-aq týrıstik aǵymdy eki esege arttyryp, 160 myń adamǵa deıin ulǵaıtý», - dedi oblys ákimi. 

Ol sonymen qatar, Qarqaraly jáne Ulytaý aýdandarynda týrızmdi damytý boıynsha da sheber-josparlar qurýdy tapsyrdy.