Balqashta turǵyndar zańsyz mal kómetin oryn uıymdastyrǵan
ASTANA. QazAqparat - Balqash turǵyndary qala mańyndaǵy ruqsat etilmegen jerdi mal kómetin orynǵa aınaldyrǵan. Bılik ókilderi jýyrda osy jerge ólgen maldy kómýge tyıym saldy, dep habarlaıdy ekaraganda.kz.
«Balqash qalasynyń veterenarııa bóliminiń mamandary osy orynǵa baryp, maldardyń kóptegen súıekterin shyǵardy. Olar ruqsat etilmegen jerge kómilgen bolyp shyqty»,-dedi Balqash qalasy ákimdiginiń baspasóz qyzmeti.
Jergilikti bılik ókilderiniń habarlaýynsha, tıisti zańnama talaptaryna sáıkes, kez kelgen maldyń qaldyqtaryn qoqys tastaıtyn konteınerlerge qaldyrýǵa bolmaıdy. Ol jerge tipti qatty qoqystardy da tastaýǵa bolmaıdy.
Sol sııaqty maldy da arnaıy sanktsııalanǵan oryndarǵa kómý kerek. QR Ákimshilik quqyqbuzýshylyq kodeksiniń 505 babyna baılanysty qalalar men eldi mekenderdi kóriktendirý men kógaldandyrý tártibin buzǵany úshin jeke tulǵalarǵa - 20 AEK, shaǵyn kásipkerlik sýbektilerine 20 AEK, orta kásipkerlikke - 40 AEK, iri kásipkerlik nysandaryna 100 AEK kóleminde aıyppul qarastyrylǵan.
Aıta keteıik, Rabochıı poselok atalyp ketken aýdan turǵyndary sanktsııalanbaǵan mal kómetin orynǵa aınalyp ketken jer týraly sýretterdi áleýmettik jelige jarııalaǵan bolatyn.
