Balqashta turǵyn úıdiń ústine qurylys krany qulady

BALQASh. QazAqparat – Balqashta turǵyn úıge jóndeý jumystaryn júrgizý kezinde qurylys krany qulady. Zardap shekkender joq, dep habarlaıdy QazAqparat tilshisi.

Oqıǵa keshe saǵat 14.00-de Aǵybaı batyr kóshesinde boldy. Turǵyn úıdiń shatyryn jóndeý jumystaryn júrgizip jatqanda qurylys krany bir jaǵyna qısaıyp, qulaǵan. Jergilikti ákimdik málimdegendeı, qurylys júgin kóterý kezinde krannyń tabanynyń astyndaǵy topyraq sýsyp ketken.

«RımStroıServıs» JShS merdigerlik uıymy Aǵybaı batyr kóshesi 18 mekenjaıy boıynsha ornalasqan kóppáterli turǵyn úıdiń shatyryna aǵymdaǵy jóndeý jumystaryn júrgizýde. 2023 jylǵy 30 maýsymda shamamen saǵat 14:00-de profıldi paraqtardy osy úıdiń tóbesine kranmen kótergen kezde, aýyr tehnıkanyń oń jaq artqy aýtrıgeri jylý trassasy naýasynyń eden plıtasyn syndyrǵan. Saǵat 16:40-ta kran qaıta iske qosyldy. Merdiger uıym qysqa merzimde zaqymdanǵan plıtany qalpyna keltiredi», - dep habarlady Balqash qalasy ákimdiginiń baspasóz qyzmeti.