Balqashta toppen zorlaý isi: Aıyptalýshylar 12 jylǵa sottaldy
QARAǴANDY. QazAqparat - Balqashta toppen zorlaý isiniń eki fıgýrantyna 12 jyl bas bostandyǵynan aıyrý jazasy kesildi, dep habarlaıdy «QazAqparat» HAA tilshisi.
Osy is jábirlenýshi Almatyda ótken baspasóz konferentsııasynda qylmyskerlerdiń jazaǵa tartylmaı jatqany týraly aıtqannan keıin eldi dúrliktirgen bolatyn.
Bas prokýratýra isti dereý óz baqylaýyna aldy. Sýdıa Marat Bashanov eki aıyptalýshyny Qylmystyq kodekstiń úsh baby: 125-baptyń («Adamdy urlaý») 2-bóligi, 121-baptyń («Seksýaldyq sıpattaǵy zorlyq-zombylyq áreketteri») 2-bóligi jáne 120-baptyń («Zorlaý») 2-bóligi boıynsha aıypty dep tanyp, olardyń árbirine 12 jyl bas bostandyǵyn aıyrý jazasyn berdi. Olar jazany ortasha qaýipsizdik mekemesinde óteıtin bolady.
Jábirlenýshi Nurgúl Qusylbekovanyń qylmyskerdiń árqaısysynan 30 mıllıon teńge kóleminde moraldyq ótemaqy suraǵan talaby ishinara qanaǵattandyryldy. Sot qylmyskerlerdiń árqaısysynan 1 mıllıon teńge kóleminde ótemaqy tóleýge mindettedi.
Eske sala keteıik, Nurgúl Qusylbekovanyń polıtsııaǵa aıtýynsha, 2016 jyldyń tamyzynda Balqashtyń eki turǵyny ony molaǵa alyp baryp, kúrekpen urǵan, ony qorlaǵan. Olar qyzdy qabir qazýǵa májbúrlegen. Qylmystyq is birneshe ret toqtatylǵan, aıyptalýshylar ustalmaǵan bolatyn. Polıtsııaǵa shaǵymdanǵany úshin kek alýynan qoryqqan jábirlenýshi Balqashty tastap, Temirtaý qalasynda páter jaldap turǵan.
