Balqashta tekserýshi top toı ótip jatqan meıramhanaǵa terezeden kirýge májbúr boldy

BALQASh. QazAqparat - Balqash qalasynda mobıldi top kópshilik jınalǵan úılený toıyn toqtatty. Shara qojaıyny men meıramhana basshylyǵymen qatar qonaqtarǵa da aıyppul salynýy múmkin, dep habarlaıdy QazAqparat tilshisi.

Balqash qalasynyń mobıldi toby «Aılın» meıramhanasynda kópshilik jınalǵan is-sharany toqtatty. Nátıjesinde toı ıesimen qatar jınalǵan qonaqtarǵa da aıyppul salynýy múmkin.

«Úılený toıyn ótkizý týraly aqparat úılestirý ortalyǵyna kelip tústi. Mobıldi top orynǵa sanaýly mınýttarda keldi. Alaıda meıramhana basshylyǵy reıd júrgizýshilerdiń ishke kirýine jol bermeýge tyrysty. Sondyqtan oqıǵa ornyna arnaıy qyzmetter shaqyryldy. Nátıjesinde olar ǵımaratqa tereze arqyly kirdi. Barlyq qonaqtar túsinikteme jazdy. Aıyppul mekemeniń ıesi men sharany uıymdastyrýshyǵa ǵana emes, qonaqtarǵa da salynýy múmkin. Materıaldar Balqash qalasynyń sanıtarlyq-epıdemıologııalyq baqylaý mekemesine jiberildi», - dep habarlady Balqash qalasy ákimdiginiń baspasóz qyzmeti.

Osy ýaqytta Balqashta vırýs juqtyrǵandar sany artyp keledi. Kúnine ınfektsııany júzdegen adam juqtyryp alyp jatyr. Ótken aıda 13 balqashtyq koronavırýstan qaıtys boldy.