Balqashta sý túbinen balanyń máıiti tabyldy
QARAǴANDY. QazAqparat - Qaraǵandy oblysynyń Balqash qalasynda súńgýirler kollektordan balanyń denesin alyp shyqty. Aldyn ala boljam boıynsha, máıit ótken jyldyń qazan aıynda joǵalǵan eki jasar balaniki bolýy múmkin, dep habarlaıdy QazAqparat tilshisi.
«Keshe, 29 mamyr kúni turǵyndardan sýdan balanyń denesine uqsas áldeneni baıqaǵandary týraly habar tústi. Búgin súńgýirler balanyń denesin alyp shyqty», - dep habarlady Qaraǵandy oblystyq Tótenshe jaǵdaılar departamentiniń baspasóz qyzmetinen.
Kúni boıy qutqarýshylar oqıǵa ornynda jumys istep, sý astyna súńgigen. Alaıda izdeý jumystaryna aǵystyń qatty bolýy kedergi jasaǵan. Tótenshe jaǵdaı qyzmetkerleriniń ótinishinen soń Balqash JEO-dan sý aǵyzý kólemi tómendetildi.
Nátıjesinde, 30 mamyr kúni súńgýirler kollektordyń túbine súńgip, balanyń máıitin tapty. Dene Balqash JEO-nyń sý aǵyzý kollektorynyń aýzyndaǵy temir betondy konstrýktsııalardyń astynda paıda bolǵan sańylaýda qysylyp, qıyrshyq tas pen betondy synyqtarmen kómilip qalǵan.
