Balqashta stýdent ákesinen alıment óndirip aldy
QARAǴANDY. QazAqparat - Túmen memlekettik medıtsınalyq ýnıversıtetinde oqıtyn reseılik stýdent ákesinen alıment óndirip aldy, dep habarlaıdy «QazAqparat» HAA tilshisi.
Balqash qalalyq sotynyń baspasóz qyzmetindegilerdiń málimdeýinshe, shaǵymdanýshy óziniń kámeletke tolmaǵandyǵy jáne Túmen memlekettik medıtsınalyq ýnıversıtetinde oqıtyndyǵyna baılanysty jaýapkerden ózin asyraýǵa ketetin qosymsha shyǵyndar úshin oqýy aıaqtalǵanǵa deıin aı saıyn 13 AEK kóleminde qarjy suraǵan.
«Sot shaǵymdanýshynyń týý týraly kýáligine sáıkes, jaýapker onyń ákesi ekendigin anyqtady. Talap aryzy ishinara qanaǵattandyryldy. Jaýapkerden aryz berýshiniń paıdasyna kámeletke tolmaǵan, joǵary oqý júıesinde bilim alatyn balaǵa 2017 jyldyń naýryzynan oqýy aıaqtalǵanǵa deıin 13 aılyq eseptik kórsetkish mólsherinde aı saıynǵy alıment óndirildi», - dep málimdedi sottyń baspasóz qyzmetindegiler.
Balanyń ákesi ol ózin-ózi qamtamasyz ete alady dep sanap, ony asyraýdy qalamaǵan bolatyn.
