Balqashta saıajaılardyń ornyna týrıstik nysandar salynbaq
QARAǴANDY. QazAqparat - Balqashta týrızm damytylady. Halyqaralyq mamandar Balqash kýrort aýmaǵynyń damý josparyn qurdy. Bul týraly QazAqparat ákimdiktiń saıtyna silteme jasap habarlaıdy.
Oǵan negiz retinde 93 gektar jerdi alyp jatqan jaǵalaý aýmaǵy tańdap alyndy, dep habarlaıdy «Órken-medıa».
Aq tas mańyndaǵy Bertis jáne Qarakól shyǵanaqtarynyń aýmaǵynda taǵy da 600 gektar jerde nysanaly maqsat ózgertilmek, saıajaılardyń ornynda onda týrızm nysandary bolady. Buǵan qosa, kásipkerler óz qarajattaryna Barkovskıı aýdanyndaǵy demalys aýmaqtarynda sý qubyrlary men káriz júıelerin ótkize bastady. Ony 2019-shy jyly iske qosý josparlanyp otyr.
«Bıylǵy jyly Balqashta ushý-qoný jolaǵyn qalypqa keltirý bastaldy. Ol úshin 11 mıllıard teńge ınvestıtsııalar bólindi. Jyl basynan beri úsh mıllıon teńgege jýyq qarjy salyndy. Bul bizdiń qalaǵa turaqty reısterdiń kóbeıýine jáne úlken ushaqtardyń ushýyna múmkindik týdyradyı, - deıdi kásipkerlik jáne aýyl sharýashylyq bóliminiń jetekshisi Baızaq Álmaǵanbetov.
Qazir kóldiń jaǵalaýynda 500 adam syıdyratyn 9 demalys oryndary jumys isteıdi. Taǵy 300-ge jýyq adam syıǵyzatyn 6 nysan salý josparda bar. Bul jobalardy iske asyrýǵa 500 mıllıon teńge ınvestıtsııalandy. Bir demalys orny Aq tas mańynda paıda bolady, ol úshin 2000 sharshy metr aýdany bar eki jer telimi bólingen.
«Bıylǵy jyly kórsetilgen týrıstik qyzmetter 130 mln teńgeni qurady. Qyzmet kórsetilgen týrıster sany osy maýsymda 14 myń adamnan asady», - dep túsindirdi Baızaq Álmaǵanbetov.
