Balqashta polıtseıler mas júrgizýshiniń kóliginen myltyq pen oq-dári tapty
BALQASh. QazaAqparat – Balqash polıtseıleri qarý-jaraq pen oq-dárilerdi tasymaldaıtyn mas júrgizýshini ustady, dep habarlaıdy QazAqparat Polisia.kz saıtyna silteme jasap.
29 qazan kúni Balqash qalalyq polıtsııa bóliminiń patrýldik polıtsııa qyzmetkerleri Almaty – Ekaterınbýrg tasjolynda qyzmette bolǵan. Tańerteńgi saǵat 05:00-der shamasynda olar memlekettik nómiri joq «Toyota Land Cruiser» avtokóligin toqtatpaq boldy.
Alaıda júrgizýshi olardyń zańdy talabyna baǵynbaı, polıtseıler onyń izine túsip, aqyry qolǵa túsiredi. Avtokólikti basqarǵan 37 jastaǵy Almaty turǵynynan alkogoldiń ısi múńkip turǵan.
Kólik quralyn tekserý kezinde polıtsııa qyzmetkerleri eki uńǵyly ańshylyq myltyǵyn jáne soqqy jasaýǵa yńǵaıly metall zatty tapty.
Osy oqıǵaǵa baılanysty QR QK 287-baby «Qarýdy, oq-dárilerdi zańsyz satyp alý, berý, ótkizý, saqtaý, tasymaldaý nemese alyp júrý» boıynsha qylmystyq is qozǵaldy. Tergeý amaldary júrgizilýde. Sonymen qatar quqyq buzýshy kólik quralyn mas kúıinde basqarǵany úshin ákimshilik jaýapqa tartyldy.
