Balqashta osydan eki apta buryn joǵalyp ketken balyqshylardyń deneleri tabyldy
QARAǴANDY. Qyrkúıektiń 15-i. QazAqparat /Valentına Elızarova/ - Qaraǵandy oblysynyń Aqtoǵaı aýdanynda Balqash kólinde osydan eki apta buryn joǵalyp ketken eki balyqshynyń deneleri tabyldy, Bul týraly búgin oblystyq tótenshe jaǵdaılar departamentiniń baspasóz qyzmeti habarlady.
«Jergilikti turǵyndar Balqash kólinde, Prıozer qalasynyń tusynda jaǵalaýdan 3 shaqyrymdaı jerde qyrkúıektiń 3-inde Tasaral aýyldyq okrýginiń «Aqtóbe-Qaraǵash» eldi mekeniniń mańynda joǵalyp ketken 20 jastaǵy jigittiń denesin tapty. Onymen birge balyq aýlaýǵa shyqqan 18 jastaǵy baýyry áli izdestirilýde», dep habarlady departamentten.
Keshe bir top balyqshy «Aq tas» demalys aýmaǵyna jaqyn mańnan, Balqash jaǵalaýynan 8 shaqyrymdaı jerden qyrkúıektiń 4-inde balyq aýlaý kezinde sýǵa ketken 51 jastaǵy er azamattyń denesin tapty.
