Balqashta «Oqý páteri» ashyldy
BALQASh. QazAqparat – Balqashtyń birinshi mektebinde erekshe bilim berý qajettilikteri bar balalarǵa arnalǵan jańa kabınet ashyldy. Bul táýelsiz ómir sabaqtary ótetin oqý páteriniń bir túri, dep habarlaıdy QazAqparat tilshisi.
«Bizde ınklıýzıvti oqytý formaty bar. Oqýshylar arasynda erekshe bilim berý qajettiligi bar 60-qa jýyq bala bar. Áleýmettik pedagog Zere Beısekeeva balalarǵa qarapaıym turmystyq daǵdylardy, qoǵamdaǵy minez-qulyq mádenıetin damytýǵa bolatyn jumys aımaǵy bar arnaıy kabınet qurýdy usyndy. Ideıany júzege asyrýǵa qala kásipkerleri kómektesti. Olar jıhaz jáne turmystyq tehnıka satyp alýǵa demeýshilik jasady», – dedi Balqashtyń №1 JBBM dırektorynyń m.a. Krıstına Shafıkova.
Áleýmettik-turmystyq baǵdarlanǵan kabınette elektr plıtasy, qysqa tolqyndy pesh, shańsorǵysh, kir jýǵysh mashına, útik jáne basqa da aspaptar bar. Sabaqtarda erekshe balalarǵa tek óz betinshe qyzmet kórsetýge ǵana emes, turmystyq zattardy durys paıdalanýǵa da úıretedi. Kýrsqa etıket, qaýipsizdik erejeleri, qoǵamdyq oryndardaǵy minez-qulyq boıynsha sabaqtar kiredi.
