Balqashta «Nurly jer» baǵdarlamasy boıynsha eki úıdiń qurylysy aıaqtalýǵa jaqyn

QARAǴANDY. QazAqparat - Balqash qalasynda kezekte turǵandar úshin eki úıdiń qurylysy aıaqtalýǵa jaqyn. Qurylys alańyndaǵy jumystar 70 paıyzǵa oryndaldy. Onyń janynda taǵy eki bes qabatty úıler salynýda, dep habarlaıdy QazAqparat tilshisi.

10-yqshamaýdandaǵy 19-úıde árleý jumystary júrgizilýde. Kommýnıkatsııalar daıyn. Birneshe aıdan keıin alǵashqy turǵyndar qonystana alady. «Nurly jer» baǵdarlamasy boıynsha turǵyn úı qunynyń 20 paıyzyn jınaǵandar 45 páter alatyn bolady.

«Syrtqy qabyrǵalar qalyńdyǵy 120 mm, al qabyrǵanyń ózi 630 mm mıneraldy plıtalarmen qaptalǵan. Jaqyn jerde jylý trassasy ótedi. Jyl saıyn eki bes qabatty úıdi qoldanysqa beremiz, shaǵym joq», - deıdi «Balqash Jibek joly» JShS qurylys ýchaskesiniń bastyǵy Jandos Rahymberlınov.

Segiz brıgada jańa qurylystyń ishki árleý jumystaryn júrgizip jatqanda, basqa top shatyrlarmen aınalysady.

Bul úıdiń qarama-qarsy jaǵynda taǵy bir - №18 úı salynyp jatyr. Ondaǵy páterler kezekte turǵandarǵa jalǵa beriledi.

Qurylys alańynda barlyǵy 40 balqashtyq jumys isteıdi.

«Jalǵa beriletin turǵyn úı kezekte turǵandarǵa bólinedi. Qazir Balqash boıynsha kezekte 1 500 adam tur. Bul úıde 15 úsh bólmeli jáne taǵy da sonsha bir bólmeli jáne eki bólmeli páter bar», - dedi Balqash qalasy qurylys bóliminiń basshysy Saıatbek Mýsın.

Sondaı-aq, Balqash qalasynyń 10-shaǵynaýdanynda №16 jáne 17-shi 90 páterlik eki úıdiń qurylysy úshin irgetas daıyndalýda. Olardy 2021 jyly paıdalanýǵa berý josparlanyp otyr.