Balqashta meıramhana qoımasynan qoldan jasalǵan 17 myń bótelke araq tabyldy
Qaraǵandy oblystyq polıtsııa departamenti uıymdasqan qylmysqa qarsy kúres basqarmasynyń qyzmetkerleri aýyr qylmystardy ashý boıynsha keshendi is-shara júrgizdi.
Onyń barysynda Balqash qalasyndaǵy mekemelerdiń biri kontrafakt ishimdik satýmen aınalysatyny týraly aqparat tústi.
Polıtsııa qyzmetkerleri Qaraǵandy oblysy boıynsha ekonomıkalyq tergeý departamenti qyzmetkerlerimen birlesip qaladaǵy meıramhanalardyń biriniń qoımasynda ishimdik zatyn satý faktisin anyqtady.
Qoımaǵa júrgizilgen tintý barysynda 852 qorap araq nemese jalǵan eseptik-baqylaý nómirimen 17 040 bótelke tárkilendi.
Oqıǵa ornynda 25 jastaǵy kúdikti ustaldy.
Sondaı-aq ustalǵan azamattyń úıine júrgizilgen tintý kezinde ańshy sholaq myltyǵy tabylyp alyndy.
Atalǵan derek Qazaqstan Respýblıkasy Qylmystyq kodeksiniń 214-babyna sáıkes sotqa deıingi tergep-tekserýdiń birińǵaı tizilimine tirkeldi.
Qazirgi ýaqytta ishimdik ónimin jetkizýshini, kontrafakt alkogol qaıda satylǵanyn, sondaı-aq qylmysqa qatysy bar tulǵalardy anyqtaý jumysy júrip jatyr.
Foto: polisia.kz
