Balqashta mas áıeldiń úsh jasar ulyn avtomobıl qaǵyp ketti
QARAǴANDY. QazAqparat - Balqashta joldyń ústine júgirip shyqqan úsh jasar balany kólik qaǵyp ketti. Al, polıtseıler onyń mas kúıdegi anasyn narkodıspanserge jetkizdi, dep habarlaıdy «QazAqparat» HAA tilshisi qalalyq ІІD-ge silteme jasap.
Bala Aǵybaı batyr kóshesinde jaıaý júrginshiler jolaǵy joq jerden kóshege júgirip shyqan. Áıel bes jasar qyzymen birge kele jatyp, ulynyń jolǵa shyǵyp ketkenin baıqamaı qalǵan.
Balaqaıdyń mıy shaıqalyp, birneshe jerinen jaraqat alǵan. Ol Balqash qalalyq ortalyq aýrýhanasyna jatqyzyldy. Dárigerler balaǵa eshbir týysynyń kelmegenin atap ótti. Tek kelesi kúni klınıkaǵa alkogoldiń ıisi shyǵyp turǵan 29 jastaǵy anasy kelgen. Polıtseıler ony narkodıspanserge jetkizgen.
«Balany qaǵyp ketý faktisi boıynsha qylmystyq is qozǵaldy. Analyq mindetin durys atqarmaı júrgen anasynyń jaǵdaıy týraly ıývenaldy polıtsııaǵa habarlandy», - dedi Balqash ІІB jergilikti polıtsııa qyzmetinde.
