Balqashta kásibin jańa bastaǵan bıznesmender qala ákiminiń granttaryna ıe boldy
Balqash qalasy ákiminiń granty 2018 jyldan bastap beriledi. Osy ýaqyt ishinde 24 jas kásipker óz bıznes-jobalaryn júzege asyrý úshin jalpy somasy 32 mıllıon teńge aldy.
«Ótken jyldardaǵy sátti jobalardyń ishinde erler shashtarazynyń ashylýyn, sondaı-aq ZAMAN tigin isiniń keńeıýin ataýǵa bolady. Bul kompanııa óziniń kıim jelisin jolǵa qoıdy, sondaı-aq óziniń Made in Balkhash brendin satatyn býtık ashty. Biraq sátsizdikter de bar. Birneshe grant alýshylar óz qyzmetin toqtatýǵa májbúr boldy. Sebebi ol tıimsiz boldy», – deıdi Balqashtyń jastar resýrstyq ortalyǵynyń dırektory Bekqaıyr Nyǵmetov.
Buǵan jol bermeý úshin Bekqaıyr Nyǵmetov jobanyń ózektiligine qaraýǵa keńes beredi. Kez kelgen is qala men onyń turǵyndaryna paıda ákelýi tıis. Satyp alýmen jáne satýmen aınalysatyn kásipkerler jetkilikti, biraq óndirýshiler joq.
Bıznes-jobany qurý jáne grant alý - bul isin jańa bastaǵan bıznesmenniń alǵashqy qadamdary ǵana. Ári qaraı, kásipkerlik qyzmettiń negizderin úırenýi kerek. Osy maqsatta grant ıeleri «Bastaý Bıznes» baǵdarlamasy boıynsha oqýdan ótedi, kásipkerler palatasynyń qyzmetkerlerimen keńesedi. Sondaı-aq olar úshin jastar resýrstyq ortalyǵy kezdesýler uıymdastyrady, onda tabysty bıznesmender jas áriptesterimen óz tájirıbelerimen bólisedi.
Bıyl granttar alýǵa 18 bıznes-joba berildi. Olardy arnaıy komıssııa qarady, onyń quramyna qala kásipkerleri men ónerkásipshileri Odaǵynyń, «Atameken» kásipkerler palatasynyń, Nur Otan partııasy fılıalynyń basshylary, máslıhat depýtattary jáne basqalar kirdi.
Balqashtyqtar úıdiń janynda shaǵyn dúkender, jylyjaı, shına ortalyǵy, tipti Mobıldi planetarıı ashýdy kózdedi. Usynylǵan bıznes-ıdeıalardyń ishinen búgingi tańdaǵy alty ózekti ıdeıa tańdaldy.
«Kóshbasshylardyń qatarynda óndirispen aınalysýǵa sheshim qabyldaǵandar da bar. Biz polıetılen jáne qaǵaz paketterin, shaǵyn kondıterlik ónimderdi, úı jartylaı fabrıkattaryn óndirýdi, gıdroponıkalyq jasyl jem ósirýdi, foto-jáne beınesalon, aǵylshyn tili boıynsha daıyndyq mektebi jobalaryn qoldadyq. Bıyl qala ákiminiń granttaryna 10 mıllıon teńge josparlanǵan», – deıdi Bekqaıyr Nyǵmetov.
Eń kóp grant qarajatyn Arman Maqsutov pen Nursultan Esimhan aldy. Olardyń birinshisi paketter óndirisin keńeıtýge nıetti. Ol úshin oǵan mıllıon teńge kerek.
Nursultan Esimhan jasandy jaǵdaıda ósimdik ósirýmen aınalysýǵa sheshim qabyldady. Aıta ketý kerek, gıdroponıka búginde tanymal bola bastady.
«Qazir azyq-túlik bazasyndaǵy problemalar barshaǵa málim. Balqashta da olar barshylyq. Kádimgi shóp óte qymbat, al qysta onyń baǵasy odan da joǵary. Internetten gıdroponıkalyq qondyrǵy týraly aqparatty kórdim. Oqýdy bastadym, nátıjesinde taýar jetkizýshimen baılanystym. Tarazǵa baryp, qondyrǵyny qarap shyqtym. Sodan keıin qyzǵýshylyǵym odan saıyn arta tústi. Sondyqtan gıdroponıkalyq jasyl jem ósirý kýrsyn oqýǵa bel býdym», – dep túsindirdi bıznes jobasy týrady Nursultan Esimhan.
Jabdyqty jetkizýshiler jas kásipkerge jyl boıy keńes beredi. Biraq kez-kelgen bıznestegi eń bastysy - ónimdi satý.
Nursultannyń aıtýynsha, satyp alýshylar bar. Bul Balqashtyń iri jáne shaǵyn sharýashylyqtary, sondaı-aq jaqyn mańdaǵy aýyldardyń, aýdandardyń qarapaıym turǵyndary.