Balqashta ıesiz mysyqtar men ıtterdi aýlaýdyń jańa tásili qoldanylýda
BALQASh. QazAqparat - Balqash qalasynda arnaıy mamandar ıesiz mysyqtar men ıtterdi aýlaýdyń jańa tásilin qoldana bastady. Jergilikti kásipker Andreı Sokýlskıı janýarlardy ımmobılızatsııalaý úshin Vetstantsııaǵa haıýanattardyń qozǵalysyn shekteıtin myltyq satyp aldy, dep habarlaıdy QazAqparat tilshisi.
Pnevmatıkalyq qurylǵy ıesiz mysyqtar men ıtterdi aýlaý kezinde qoldanylady, ol gaz ballondy veterınarlyq laqtyrǵyshpen, ShILO túrindegi ushatyn shprıtstermen jabdyqtalǵan. Qysqa naızashalardyń kómegimen janýar veterınarlyq stantsııaǵa jetkizilgenshe uıyqtatylady.
Pnevmatıkalyq myltyqty satyp alý – «Adam jáne Úı janýarlary» @balkhash_chip_priyut qoǵamdyq birlestiginiń bastamasyn qoldaý bolyp tabylady.
Balqash ákimdigi qańǵybas janýarlardy barynsha izgilikti tásilmen aýlaýǵa jáne olardy baspanalarda laıyqty ustaýǵa kóshý úshin birqatar maqsattar qoıyp otyr.
Qala ákimi Oraz Táýirbekov «Adam jáne Úı janýarlary» qoǵamdyq birlestigi úshin jerdi jalǵa berý máselesin sheshýge kómektesti. Bul uıymnyń eriktilerine janýarlarǵa arnalǵan pana qurýǵa arnalǵan bos oryn berildi.
2021 jyly «Adam jáne Úı janýarlary» QB-niń janýarlaryna arnalǵan ońaltý ortalyǵynyń qurylysy bastalady. Jobalyq qujattama daıyn. Oraz Táýirbekov demeýshilerdi tartýǵa ýáde berdi.
Qazirgi tańda Balqash vetstantsııasynda janýarlardy ýaqytsha ustaýǵa arnalǵan oryn uıymdastyrylǵan. Jazda metsenat Andreı Sokolskıı ıesiz ıtter men mysyqtarǵa 17 qorshaý saldy.
Sondaı-aq, áleýmettik jelilerde @balkhash_vet_stansya paraqshasy bar, onda janýardyń sýreti ornalastyrylyp, olar týraly qysqasha málimetter jazylǵan. Ol jelige salynyp, úı janýarlaryn otbasyna qabyldaýǵa múmkindik berý úshin bir apta kútedi. Kóbinese ustalǵandardyń arasynda úı janýarlary da bar. Habarlandyrýdy kórip, ıeleri olardy alyp ketedi.
Bir aı ishinde veterınarlyq stantsııa qyzmetkerleri 20 kúshik pen eresek ıtterdi tirkedi.
Qazaqstan prezıdenti Qasym-Jomart Toqaev halyqqa Joldaýynda janýarlarǵa degen kózqaras kez kelgen memlekettiń órkenıetiniń ólshemi ekenin atap ótti.
