Balqashta Halyqaralyq volonterler forýmy ótti

Іs-shara Qazaqstan Prezıdenti Qasym-Jomart Toqaevtyń bastamasymen BUU jarııalaǵan Halyqaralyq volonterler jyly jáne Balkhash Tour Fest 2026 festıvali aıasynda uıymdastyryldy.

QR Mádenıet jáne aqparat mınıstrligi baspasóz qyzmetiniń habarlaýynsha, forýmǵa Qazaqstan, Ázerbaıjan, Úndistan, Qyrǵyzstan, Túrikmenstan, Túrkııa jáne Ózbekstannan kelgen volonterlik uıymdardyń ókilderi men jastar kóshbasshylary qatysty.

Іskerlik baǵdarlama aıasynda qatysýshylar volonterlik qozǵalysty damytý, BUU-nyń turaqty damý maqsatyn iske asyrý jáne halyqaralyq jastar yntymaqtastyǵyn nyǵaıtý máselelerin talqylady.

Forým baǵdarlamasynda ekologııalyq baǵytqa erekshe mán berildi. Klımat taqyrybyndaǵy tanymdyq is-sharalarǵa ótip, úzdik volonterlik jobalarmen tanystyryldy. Sonymen qatar aýmaqtardy tazalaý jáne aǵash otyrǵyzý aktsııalary uıymdastyryldy.

Jastardyń qoǵamdyq belsendiligi men volonterlik qozǵalystyń damýyna arnalǵan «Balqash jolbarystary» shaǵyn sáýlet nysanynyń saltanatty ashylýy is-sharanyń mańyzdy sátteriniń birine aınaldy.

Forýmnyń ekinshi kúni «Móldir bulaq» ekologııalyq aktsııasy ótti. Onyń aıasynda qatysýshylar Balqash kóliniń jaǵalaýyn tazalaý, qaldyqtardy suryptaý, ekoqoqys jáshikterin ornatý jáne sý sapasyn baqylaý jumystarymen aınalysty. Sondaı-aq qonaqtarǵa Balqashtyń balyqtar álemine arnalǵan kórme usynyldy.

Іs-shara sońynda qorytyndy shyǵarylyp, belsendi volonterler marapattaldy.

Jıyndy Qazaqstan Respýblıkasy Mádenıet jáne aqparat mınıstrliginiń qoldaýymen Qaraǵandy oblysynyń ákimdigi uıymdastyrdy.

Osyǵan deıin jeti eldiń volonterleri Balqash kóliniń jaǵalaýyn tazartqany týraly jazdyq.