Balqashta eriktiler zeınetkerdiń órtengen páterin jóndep berdi

BALQASh. QazAqparat – Balqashtyq zeınetker ottan aman qalyp qana qoımaı, janashyr jandar onyń páterin qalpyna keltirýge kómektesti, dep habarlaıdy QazAqparat tilshisi.

Aqpan aıynyń ortasynda órt bólimshesiniń pýltine kóbqabatty úılerdiń birindegi páterdi ot sharpyǵany týraly habarlama kelip tústi.

Bir bólmeli úıdiń jıhazy janyp, ishinde 69 jastaǵy qarııa bolǵany anyqtaldy.

Órt 10 mınýtta óshirildi. Er adam I jáne II dárejeli kúıik alyp, aýrýhanaǵa jetkizildi.

Zardap shegýshiniń páteri túgeldeı órtenip ketken. Bólme qoqysqa tolyp, jylý júıesi men sýmen jabdyqtaý qubyrlary tozǵan.

Bul týraly aqparat ákimdikke berildi. Qalalyq máslıhat depýtaty Bolat Mýsın zeınetkerge óz erkimen kómegin usyndy.

Oǵan «Gorkomhoz-2012» JShS qyzmetkerleri qoldaý kórsetti.

Balqashtyń «kúmis» eriktileri barlyq qoqysty páterden shyǵaryp, jóndeý jumysyn júrgizdi.

Qabyrǵalar eski tusqaǵazdardan tazalanyp, terezeler, esikter syrlandy, edeni jylytyldy.

Olar tipti qajetti jıhaz alyp kelgen.

Barlyq qajetti zattardy birlesip jınady.

Nátıjesinde emdelip shyqqan zeınetker jańartylǵan páterge oraldy.