Balqashta er adam júk kóligi men qorshaýdyń arasyna qysylyp qalyp, mert boldy
BALQASh. QazAqparat – Balqashta er adam júk kóligi men dýaldyń arasyna qysylyp qaldy. Ol oqıǵa ornynda kóz jumdy, dep habarlaıdy QazAqparat tilshisi.
Qaıǵyly oqıǵa Balqashta bolǵan. 60 jastaǵy «MAN» júk kóliginiń júrgizýshisi kóliginen júk túsirýmen aınalysyp jatqan. Kenetten avtokóliktiń tejegishteri isten shyqqan. Er adam jyljyp bara jatqan kólikti óz kúshimen toqtatýǵa tyrysqan. Nátıjesinde ol mashına men dýaldyń arasynda qysylyp qalǵan. Júrgizýshi oqıǵa ornynda kóz jumdy.
«14 qyrkúıek kúni saǵat 16:30 shamasynda Jeltoqsan kóshesi, 19 mekenjaıy boıynsha ornalasqan «Svetofor» sýpermarketi aýmaǵynda Almaty oblysynan kelgen 60 jastaǵy júrgizýshi «MAN» markaly júk kóligin toqtatý áreketi kezinde ashyq avtoturaqtyń baǵanasyna qysylyp qalǵan, er adam alǵan jaraqattarynan oqıǵa ornynda kóz jumdy. Atalǵan fakti boıynsha nóldik bap boıynsha adamnyń qaıtys bolý faktisi boıynsha qylmystyq is qozǵaldy. Máıit saraptamaǵa jiberildi», - dep habarlady Qaraǵandy oblysynyń polıtsııa departamenti.
