Balqashta er adam mototsıklimen sýǵa qulap ketti
ASTANA. QazAqparat - Balqashta er adam mototsıklimen birge sýǵa qulap ketti, dep habarlaıdy QazAqparat Qaraǵandy oblystyq Tótenshe jaǵdaılar departamentiniń baspasóz qyzmetine silteme jasap.
«26 jastaǵy azamat mototsıkline minip, balyq aýlaý úshin Balqash kóliniń ońtústik jaǵalaýyna Kors, Tomar araldaryna baǵyt alǵan. Ol sol boıy qaıta oralmady. Qutqarý-izdestirý jumystary 28-29 naýryz kúnderi júrgizildi. Іzdestirilgen aımaq 159 sharshy metrdi qurady»,-delingen habarlamada.
Osylaısha, 29 naýryz kúni saǵat 11-30-dar shamasynda joǵalǵan balyqshy tabylyp, ol Balqash qalasyna jetkizildi.
Balyqshynyń aıtýynsha, onyń mototsıkli sýǵa túsip ketip, ózi jaqyn mańaıdaǵy baspanalardyń birine jaıaý jetken. Er azamat medıtsınalyq kómekti qajet etpedi.
