Balqashta demalýshynyń aqshasyn urlaǵan kúdikti ustaldy
QARAǴANDY. QazAqparat – Balqash qalasynyń demalys oryndarynyń birinde demalyp jatqan temirtaýlyq aqshasynyń urlanǵanyn aıtyp shaǵymdanǵan, dep habarlaıdy QazAqparat Qaraǵandy oblysy PD baspasóz qyzmetine silteme jasap.
Baspasóz qyzmetiniń málimetinshe, 22 shilde kúni Temirtaýdyń 37 jasar turǵyny Balqash qalasynyń demalys oryndarynyń birinde demalyp jatqanda qonaq úı nómirinen aqshasynyń joǵaltqan.
Polıtsııa qyzmetkerleri oqıǵanyń mán-jaıyn anyqtaǵan soń, 29 jastaǵy er adamdy izin sýytpaı qolǵa túsirdi. Ol buǵan deıin de urlyq jasaǵany úshin sottalǵan bolyp shyqty. Kúdikti istegen isin moıyndap, demalýshynyń beıqamdyǵyn paıdalanyp, esigi ashyq nómirdegi ámııanynan 300 dollar (115 500 teńge) urlaǵanyn moıyndaǵan.
Urlyqqa qatysty QR QK-niń 188-baby 2-bóligine sáıkes sotqa deıingi tergeýdiń biryńǵaı tizilimine tirkeldi.
Qaraǵandy oblysynyń Polıtsııa departamenti demalyp jatqan adamdarǵa saq bolýǵa keńes beredi. Tártip saqshylary jeke zattarǵa ıe bolyp, nómir men kólik esigin ashyq qaldyrmaýdy suraıdy.
