Balqashta dámhanadaǵy órt saldarynan 8 adam evakýatsııalandy

ASTANA. KAZINFORM - Balqash qalasynyń Mıra kóshesinde 4 qabatty turǵyn úıge japsarlas salynǵan dámhananyń as úıinen órt shyqty, dep habarlaıdy QR Tótenshe jaǵdaılar mınıstrliginiń baspasóz qyzmeti.

Baspasóz qyzmetiniń málimetterine qaraǵanda, tótenshe jaǵdaılar salasynyń ókilderi órt kezinde 8 adam, onyń ishinde 3 bala evakýatsııalady.

«Oqıǵa ornyna kelgen qutqarýshylar mekemeniń as úıinde qazaqnda maı janǵanyn anyqtady. Órt sóndirýshiler 6 sharshy metr alańdy sharpyp úlgergen órtti jedel túrde sóndirdi. Zardap shekkender joq»,-delingen habarlamada.

«Esińizde bolsyn! Eger maı jansa:

Tamaq pisirip jatqan peshti nemese elektr qurylǵysyn óshirińiz;

Tabany nemese kastrıýldi qaqpaqpen jabyńyz, biraq shyny qaqpaq bolmaýy kerek!

Janyp turǵan maıdy sýmen sóndirmeńiz - bul qaýipti;

Órt sóndirgishterdi satyp alyńyz, alǵashqy órt sóndirý quraly jedel qyzmetter kelgenge deıin jalyndy sóndirýge kómektesedi», - dep eskertedi QR TJM ókilderi.

Osyǵan deıin elordada qurylysy júrip jatqan ǵımarattan órt shyqqan bolatyn.