Balqashta bir apta izdegen balyqshynyń denesi tabyldy
BALQASh. KAZINFORM - Іzdeý jumystary birneshe kúnge sozylyp, qatty jel men bıik tolqyn qutqarýshylardyń jumysyn qıyndatty. Er adamnyń denesi sý aıdynyn balyq aýlaıtyn aýmen tekserý kezinde ǵana tabyldy.
Qaraǵandy oblysynyń Aqtoǵaı aýdanynda Balqash kólinde balyq aýlaý kezinde sýǵa batyp ketken 1970 jyly týǵan er adamdy izdeý-qutqarý jumystary aıaqtaldy.
Qaıǵyly oqıǵa 26 qyrkúıekte Tasaral aýylynan shamamen 20 shaqyrym jerde bolǵan. Er adamnyń sýǵa batyp ketkeni týraly habar túskennen keıin oqıǵa ornyna Qaraǵandy oblysynyń Tótenshe jaǵdaılar departamentiniń kúshteri men quraldary jiberildi.
Birneshe kún boıy jedel-qutqarý jasaǵynyń mamandary súńgýirlik jabdyqtar men «GNOM» sýasty qashyqtan basqarylatyn baqylaý keshenin paıdalana otyryp, kól aıdynyn tekserdi. Іzdeý jumystary kúndiz júrgizildi.
Marqumnyń denesi balyq aýlaıtyn aý arqyly jaǵalaýdan 2,5 shaqyrym qashyqtyqta, 4–5 metr tereńdikten tabyldy. Máıit sýdan shyǵaryldy.
— Іzdeý jumystaryna qolaısyz aýa raıy, atap aıtqanda qatty jel men bıik tolqyn kedergi keltirdi. Mundaı jaǵdaıda súńgýirlik jumystardy júrgizý jáne sý aıdynyn tolyq tekserý edáýir qıyndaıdy. Qaraǵandy oblysynyń Tótenshe jaǵdaılar departamenti azamattardy sýdaǵy qaýipsizdik talaptaryn saqtaýǵa jáne aýa raıy qolaısyz kezde sý aıdyndaryna shyqpaýǵa shaqyrady, — dep habarlady Qaraǵandy oblysynyń Tótenshe jaǵdaılar departamenti.
Qutqarýshylar balyqshylarǵa sýǵa shyqqan kezde qutqarý keýdeshesin kııýdi jáne qaýipsizdik erejelerin qatań saqtaýdy eske saldy.
Buǵan deıin ShQO-da bıyl balyq aýlap júrgen 6 adam sýǵa batyp ketkenin habarlaǵan boltynbyz.
