Balqashta bólingen muz ústinde qalǵan balyqshylardy súńgýirler qutqardy
QARAǴANDY. QazAqparat - Balqash kólinde balyq aýlap júrgen úsh balyqshyny bólingen muz alyp ketken, dep habarlaıdy «QazAqparat» HAA tilshisi.
Súńgýirler kólge kelip, bólingen muzdy ilip alyp, balyqshylardy aman-esen qutqarý aerohodtarynyń bortyna otyrǵyzǵan.
«Úsh balyqshy jaǵalaýdan 900 metr qashyqtyqta bolǵan. 12 jeltoqsanda 16:30-da TJ týraly habarlama tústi, qutqarý jasaǵynyń súńgýirleri oqıǵa ornyna jetti», - dep málim etti Qaraǵandy oblystyq TJ departamentiniń baspasóz qyzmeti.
Bir saǵattan keıin, 17:35-te 1974, 1988 jáne 1985 jylǵy balyqshylar qutqaryldy. Olar medıtsınalyq kómekke muqtaj bolmady.
