Balqashta bıyl jańa jylý magıstraliniń qurylysy aıaqtalady

BALQASh. QazAqparat – Balqashta ótken jyly jańa jylý magıstraliniń qurylysy bastalǵan edi. Bul jobany iske asyrý «Qońyrat» shaǵynaýdany turǵyndarynyń kópjyldyq problemasyn sheshýge múmkindik beredi, dep habarlaıdy QazAqparat tilshisi.

Búgingi tańda jumystyń basym bóligi aıaqtaldy. Al nysandy osy jyldyń jazynda iske qosý josparlanýda.

Qaraǵandy oblysynyń ákimi Jeńis Qasymbektiń tóraǵalyǵymen ótken onlaın-keńeste Balqashty damytýdyń 2021 jylǵa arnalǵan josparlary talqylandy.

«JEO-dan «Qońyrat» shaǵynaýdanyna deıin jylý qubyryn salý boıynsha iri jobany iske asyrý aıaqtalýda. Jelilerdiń uzyndyǵy – 17 shaqyrym. Qazir jumystar 80%-ǵa aıaqtaldy. Kelesi jylytý maýsymyna deıin úılerdi jańa jylý trassasyna qosý josparlanǵan», - dedi qala ákimi Oraz Táýirbekov.

Osy shaǵyn aýdanda oramishilik jeliler qurylysynyń jobasy ázirlenip, saraptamadan ótti.

Ótken jyly Balqashta turǵyn úı qurylysy eki eseden astam ósti. 14 422 sharshy metr turǵyn úı paıdalanýǵa berildi. Qala basshysynyń aqparaty boıynsha, bıylǵy jylǵa josparlar odan da kóp. «Nurly jer» baǵdarlamasy boıynsha 18 myń sharshy metrdi quraıtyn tórt 45 páterli úı paıdalanýǵa beriledi. Tórt kópqabatty úıdiń qurylysy jeke ınvestıtsııaǵa salynady dep josparlanǵan.

2021 jyly Balqashta 11 aýlany, Táýelsizdik alańyn abattandyrý kózdelgen. Jeti kósheniń joldaryn ortasha jóndeýge jáne eki jańa jol aıryǵyn salýǵa qarajat qarastyrylǵan.

Memlekettik-jekeshelik áriptestik boıynsha jańa emhana salý múmkindigi qarastyrylýda.

2021 jylǵa Balqashta 47,1 mlrd teńge kóleminde ınvestıtsııa josparlanǵan. «Qazaqmys» korporatsııasy kásiporyndardy jańǵyrtýǵa qarjy salýǵa nıetti.

Óńirde «jasyl» energetıka damýda – Balqash mańynda taǵy bir kún elektr stantsııasy salynýda.

«Jalpy, Balqashta ótken jyldyń qorytyndysy boıynsha áleýmettik-ekonomıkalyq damýdyń negizgi kórsetkishteriniń oń serpinine qol jetkizildi. Turǵyn úı qurylysy jandandy. Jumyspen qamtý jol kartasy boıynsha 10 ınfraqurylymdyq joba iske asyryldy. Mysaly, Saıaq aýylynda sý qubyry jelileri aýystyrylyp, jaryq berildi. Turǵyndar úshin mańyzdy bolyp tabylatyn «Qońyrat» jobasyn júzege asyrýdy bastadyq. Bıyl balqashtyqtardyń ál-aýqatyn jaqsartý jáne jaıly qalalyq orta qurý jónindegi jumysty jalǵastyrý qajet», - dedi Jeńis Qasymbek.