Balqashta bir jasar sábı terezeden qulady

BALQASh. QazAqparat – Búgin Balqash qalasyndaǵy 6-shaǵyn aýdanda oqys oqıǵa boldy. Eresekterdiń qaraýynsyz qalǵan sábı terezeden qulady, dep habarlaıdy QazAqparat Tótenshe jaǵdaılar mınıstrligine silteme jasap.

2022 jylǵy bala 5 qabatty turǵyn úıdiń 2-qabatynyń terezesinen qulady. Sábı aýrýhanaǵa jetkizildi.

Tótenshe jaǵdaılar mınıstrligi jazataıym oqıǵalardyń aldyn alý erejelerin eske salady:

- Kishkentaı balalardy jalǵyz qaldyrmańyzdar;

- Eshqashan moskıt torlaryna senbeńizder. Olar qulaýdan qorǵaýǵa arnalmaǵan. Kerisinshe, moskıt tory qaıǵyly jaǵdaıǵa yqpal etedi, óıtkeni bala onyń artynda ózin qaýipsiz sezinedi jáne terezege de, oǵan da súıenedi;

- Múmkindiginshe terezelerdi tómennen emes, joǵarydan ashyńyzdar;

- Terezeden balaǵa birdeńeni kórsetseńiz, ony árqashan myqtap ustańyz, náresteniń kenet qımyldaryna daıyn bolyńyz, alaqanyńyz qurǵaq bolýy kerek, balany kıiminen ustamańyzdar;

- Balalardyń balkonǵa eresektersiz shyǵýyna jol bermeńizder;

- Uıyqtap jatqan balany páterde eshqashan jalǵyz qaldyrmańyzdar, sebebi náreste oıanyp, ashyq terezege kóterile alady;

- Barlyq jıhazdardy, sonyń ishinde tósekterdi terezelerden alys jyljytyńyzdar. Bul náresteniń terezege kezdeısoq túsýin boldyrmaýǵa kómektesedi;

- Bala terezeni óz betimen ashýdy neǵurlym kesh úırense, soǵurlym qaýipsiz bolady;

- Balańyzǵa terezege qaraý nemese balkonnan kóshege qaraý úshin aıaq astyna oryndyq nemese basqa qural qoıýdy úıretpeńizder. Keıinnen osylaı áreket ete otyryp, qulap ketýi múmkin.