Balqashta bir aı buryn joǵalyp ketken balyqshynyń denesi tabyldy
QARAǴANDY. QazAqparat - Qaraǵandy oblystyq TJ departamentiniń jedel-qutqarý jasaǵynyń súńgýirleri 21 naýryz kúni túnde djıppen muzdyń astyna túsip ketken Balqash turǵynynyń denesin tapty, dep habarlaıdy «QazAqparat» HAA tilshisi.
«Onyń denesi AN-2 ushaǵymen aýmaqty áýeden barlaý barysynda oqıǵa ornynan shyǵysqa qaraı bir jarym shaqyrym jerden Tehsnab kentiniń aýmaǵyndaǵy Bertys aılaǵynan saǵat 10:50-de tabyldy», - dep habarlady TJ departamentiniń baspasóz hatshysy Aıdana Júnis.
«Nıssan Terano» djıpi 21 naýryz kúni shyǵaryldy, alaıda onyń salonynda er kisi bolmady. «Úsh sýasty vıdeokamerasy jumyldyryldy, súńgýirler osy ýaqytqa deıin táýlik boıy sý betin baqylady», - dep atap ótti departamenttiń baspasóz qyzmeti.
Respýblıkalyq jáne halyqaralyq konkýrstarda birinshi oryn alyp júrgen eń úzdik súńgýirler tartyldy.
Eske salaıyq, 21 naýryz kúni tórt balyqshy Qaraǵandy oblysyndaǵy Balqash kólinde muz astyna túsip ketken. «Nıssan Terano» avtomobıliniń júrgizýshisi úsh jolaýshymen birge Balqashtan eki shaqyrym jerdegi kóldiń muz qatqan betimen júrgen. Juqa muz qabaty jarylyp, kólik pen adamdar sýǵa ketken. Qutqarylǵan úsh er kisiniń aıtýynsha, olar djıptiń salonynda bolǵanda balyqshy dostaryn sý betine shyǵarǵan. Biraq, ózi úlgermegen.
