Balqashta beıádep sms habarlama jibergen muǵalim sottaldy
QARAǴANDY. QazAqparat - Balqashtaǵy balalardy damytýǵa arnalǵan halyqaralyq ortalyqtyń oqytýshysy buryn birge turǵan er azamatty ózine qaıtarý úshin óshtesken adamyna beıádep sms habarlamalar jiberip, sot aldynan biraq shyqty, dep habarlaıdy QazAqparat.
Oqytýshy birge turyp jatqan er azamattyń ózine degen adaldyǵyna kúmán keltire bastaıdy. Jigitiniń uıaly telefonynan belgisiz qyzdan kelgen habarlamany alǵan soń ońdy-soldy oǵan ádepsiz sózder jazyp jibere bastaǵan. Habarlamaǵa jaýap bolmaǵan soń ol qyzdyń telefonyna tynym bermeı qońyraý shalǵan. Úzdiksiz qońyraýdan sharshaǵan qyz bolsa, telefonyn óshirip tastap artynan mazasyn alǵan áıeldi sotqa bergen.
Sot QR QK-niń 131 baby boıynsha (azamattyń namysyna tııý, ózge adamdy ádepsiz sózder aıtyp qorlaý) is qozǵady.
Aıyptalýshy áıeldiń ózinen keshirim surap tatýlasýǵa degen nıetin aıypker nazarǵa da almaǵan. Osylaısha, Balqash qalalyq sotynyń sýdıasy Marat Bashanov oqytýshyny QR QK-niń 1 baby boıynsha kináli dep tapty.
«Aıyptalýshyny 60 saǵat qoǵamdyq jumysqa tartý jazasy taǵaıyndalsyn. Sottalýshydan zardap shekken azamatqa moraldyq shyǵyn retinde 100 myń teńge, sondaı-aq quqyqtyq shyǵyndar úshin taǵy 50 myń teńge alynsyn»,-dep úkim shyǵardy sýdıa.
