Balqashta baspaldaqtan qulaǵan oqýshy jansaqtaý bóliminde jatyr
QARAǴANDY. QazAqparat - №16 orta mekteptiń besinshi synyp oqýshysy birinshi jáne ekinshi qabat arasyndaǵy baspaldaqtan qulap ketken. Zardap shekken ol aýrýhananyń jansaqtaý bólimshesine jetkizildi, dep habarlaıdy «QazAqparat» HAA tilshisi.
Úzilis kezinde muǵalim oqýshylardy ekinshi qabattan birinshi qabatqa túsirgen. Sol aralyqta oqýshynyń aýystyrmaly aıaq kıimin synypta qaldyryp ketkeni esine túsedi. Ol kabınetke qaıtyp kelgende, synyptastary muǵalimderimen dálizge túsken. Balqash qalasynyń bilim bóliminiń basshysy Gúlmıra Aqdarbekovanyń málimdeýinshe, bala aıaq kıimin alyp qaıta shyǵyp kele jatqanda aıaǵy taıyp ketken.
Dárigerler samaı súıeginiń synǵanyn jáne bas súıek ishindegi gematomany anyqtady. Oǵan ota jasalyp, jansaqtaý bólimine aýystyryldy.
«Pán muǵaliminiń áreketinen eshqandaı quqyqbuzýshylyq qarastyrylmaıdy. Bala ózi qulaǵan, ony eshkim ıtergen joq, baspaldaqta eshqandaı oıyn oınalǵan joq. Oqýshylar nazardan tys qalmaǵan», - dedi Gúlmıra Aqdarbekova.
Qazirgi ýaqytta besinshi synyp oqýshysynyń jaǵdaıy turaqty, ómirine tóngen qaýip joq.
