Balqashta barlyq úıge jylý berildi

Balqashta eki jylý magıstralindegi apat joıylyp, barlyq úıge jylý berildi, dep habarlaıdy Kazinform.

Eske salsaq, Balqashta keshe, 9 jeltoqsanda dıametri 420 jáne 630 mm qubyrlardyń jarylýyna baılanysty jylý parametrleri tómendedi. 

Qala ákimdiginiń habarlaýynsha, oqıǵa ornyna 25 adamnan quralǵan jeke quram jáne 10 birlik tehnıkadan turatyn kommýnaldyq kásiporyndar brıgadalary jumyldyrylǵan.ákimdikii Qubyrdyń jarylýyn joıý jumystary 9 jeltoqsanda saǵat 14.00-de bastalyp, 10 jeltoqsanda tańǵy 5.00-de aıaqtaldy.

«Kóppáterli turǵyn úılerdiń ishki jelileriniń qatyp qalýyn boldyrmaý úshin 12 úıde sý aǵyzylyp, 33 turǵyn úıde sý tireýi qoıyldy. Jylýmen jabdyqtaýdy qalpyna keltirgennen keıin 28 úı boıynsha jylýmen jabdyqtaýdy iske qosý jumystary júrgizildi. Qazirgi ýaqytta barlyq úıge jylý qosylǵan jáne olardyń bárinde jylý aınalymy qalypty. Magıstraldyq jáne oramishilik jeliler boıynsha jylýmen jabdyqtaý turaqty túrde qamtamasyz etilýde. Qubyrlardaǵy shyǵarylymdaǵy jylý 90 gradýsty, qaıtarymdaǵy jylý 64 gradýsty quraıdy. Jedel shtab quryldy, PIK brıgadalary turǵyndardyń ótinimderi boıynsha ishki qubyrlar boıynsha jumys isteýde», - dep habarlady Balqash qalasynyń ákimdigi.