Balqashta balany aıaýsyz soqqyǵa jyqqan: ombýdsmen ІІM-ge júgindi
ASTANA. KAZINFORM – Balalar quqyǵy jónindegi ýákil Dınara Zákıeva Qaraǵandy oblysynda balany aýyr soqqyǵa jyǵý jaǵdaıyna qatysty pikir bildirdi.
- Qaraǵandy oblysynda 9 jasar balaǵa qatysty jasalǵan zorlyq áreketteri boıynsha Іshki ister mınıstrligine júgindim. Balanyń anasymen baılanystamyn, - dep jazdy Dınara Zakıeva Instagram paraqshasynda.
Buǵan deıin habarlaǵanymyzdaı, Balqash qalasynyń turǵyny kishkentaı ulyn eresek adam azaptaǵanyn málimdedi. Onyń aıtýynsha, segiz jastaǵy balany er adam aıaýsyz soqqyǵa jyqqan, saýsaqtaryn syndyrǵan jáne denesin kúıdirgen.
Oqıǵa týraly balanyń anasy áleýmettik jelide málimdegen. Ol tergeýdiń tym uzap ketkenin jáne kúdiktiniń polıtsııa men basqa da memlekettik organdarda tanystary bar ekenin alǵa tartady.
Eske sala ketsek, Balalar quqyǵyn qorǵaý komıteti avtobýsta erekshe balanyń anasyna urysqan áıelge qatysty málimdeme jasaǵan edi.