Balqashta atmosferanyń lastanýy kútiledi
ASTANA. QazAqparat - 6 qarasha kúni Qazaqstan qalalarynyń basym bóliginde meteorologııalyq ahýal jaǵymdy bolady, dep habarlaıdy QazAqparat.
Sınoptıkterdiń málimetinshe, seısenbi kúni Balqash qalasynda aýanyń lastanýynyń joǵary deńgeıi kútiledi.
Bul rette, Qazaqstannyń basym aýmaǵynda meteoboljamdar qolaıly bolyp otyr. Atap aıtqanda, Astana, Aqtóbe, Almaty, Qaraǵandy, Taraz, Temirtaý, Óskemen, Shymkent qalalarynda atmosferalyq aýa sapasynyń lastanýy kútilmeıdi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
